Portuqaliyada onlarla ev yandı, ölənlər var

Bir həftədən çoxdur ki, Portuqaliyanın bir neçə bölgəsini yanğınlar bürüyüb.

Oxu.Az "Svejesti" "Telegram" kanalına istinadən xəbər verir ki, bu yanğınlardan biri - Sever-du-Vuqa bələdiyyəsində başlayan böyük meşə yanğını Portonun cənubundakı Aveyro bölgəsinə yayılıb.

Yanğın Alberqariya-a-Velya qəsəbəsinə ciddi təsir göstərib, burada onlarla ev alovlar içində qalıb.

Hakimiyyət həyəcan vəziyyəti elan edib, ölkənin mərkəzi və şimal bölgələrini bürüyən çoxsaylı yanğınlarla mübarizədə Avropa İttifaqından kömək istəyib.

Qeyd edək ki, yanğınları söndürməyə çalışarkən 7 nəfər ölüb, daha 40 nəfər yaralanıb.