Putin: "Rusiya şirkətlərinə və fiziki şəxslərə qarşı 28 mindən çox sanksiya tətbiq edilib"

"Rusiyaya qarşı ümumilikdə 28 mindən çox sanksiya tətbiq edilib. Bu, dünyanın digər bütün ölkələrinə qarşı tətbiq edilən sanksiyaların ümumi sayından daha çoxdur".

Oxu.Az TASS-a istinadən xəbər verir ki, bu barədə Rusiya Prezidenti Vladimir Putin Rusiya Sənayeçilər və Sahibkarlar İttifaqının qurultayında çıxış edərkən bildirib.

"Belə təəssürat yaranır ki, sanksiyaların təşəbbüskarları artıq nə qədər məhdudiyyət tətbiq etdiklərini və kimə qarşı tətbiq etdiklərini unudublar", - deyə dövlət başçısı diqqətə çatdırıb.