Qazaxıstanda kafe binasının uçması nəticəsində ölənlərin sayı artdı - YENİLƏNİB + VİDEO

Qazaxıstanın Uralsk şəhərində qaz partlayışından qaynaqlanan kafe binasının çökməsi nəticəsində ölənlərin sayı üç nəfərə çatıb. 

Bu barədə Qərbi Qazaxıstan vilayətinin Fövqəladə Hallar Departamentinin mətbuat xidmətindən məlumat verilib. 

“Uralskda partlayış yerində üçüncü cəsəd aşkar edilərək çıxarılıb. Xilasetmə əməliyyatları davam edir”, - deyə məlumatda bildirilib. 

Mənbə: TASS

11:22

Qazaxıstanın Uralsk şəhərində kafenin yerləşdiyi bina çöküb. Hadisəyə qaz-hava qarışığının partlaması səbəb olub.

Nəticədə iki nəfər ölüb, altı nəfər yaralanıb.

Bu barədə Qərbi Qazaxıstan vilayətinin Fövqəladə Hallar Departamentinin Mətbuat Xidmətindən məlumat verilib.

“Hazırda Fövqəladə Hallar Departamentinin qüvvələri tərəfindən dağılmış tikililərin altından altı nəfər tapılaraq çıxarılıb, onlardan beşi tibb müəssisələrinə çatdırılıb, bir nəfər xəstəxanaya yerləşdirilməkdən imtina edib. Həmçinin iki nəfərin öldüyü məlum olub, onların şəxsiyyəti müəyyənləşdirilir”, - deyə məlumatda bildirilib.

Dağıntıların təmizlənməsi istiqamətində işlər davam etdirilir.

Mənbə: TASS