Yunanıstan polisi ölkədən siyasi sığınacaq istəyən Türkiyə hərbiçilərini həbs edib.
Oxu.Az Türkiyə KİV-ə istinadən xəbər verir ki, Yunanıstanda eniş edən helikopterdər 2 mayor, 1 kapitan və 5 əsgər olub.
Yunanıstan Silahlı Qüvvələrinin Baş Qərargahından bildirilib ki, helikopter tezliklə Türkiyəyə geri qaytarılacaq.
14:29
Türkiyəyə məxsus hərbi helikopter Yunanıstanın Aleksandropolis (Dədəağac) şəhərində eniş edib.
Oxu.Az-ın “Hurriyet”ə istinadən məlumatına görə, SOS siqnalı verərək Yunanıstana enən helikopterdə 7 hərbçi və 1 mülki şəxs olduğu bildirilir. Onların hərbi çevriliş cəhdində iştirak etmiş şəxslər olduqları güman olunur. Bu şəxslərin Yunanıstandan siyasi sığınacaq istədikləri barədə xəbərlər gəlir.
Türkiyənin xarici işlər naziri Mövlud Çavuşoğlu “Twitter” səhifəsində bildirib ki, helikopterlə Yunanıstana qaçan 8 xain əsgərin dərhal təslim edilməsi barədə rəsmi Afinaya müraciət göndərillib.
