Qvatemalada Fueqo vulkanının davam edən püskürməsi yaxınlıqdakı yaşayış məntəqələrindən 700-dən çox insanın təxliyəsinə səbəb olub.
Oxu.Az "Reuters" agentliyinə istinadən xəbər verir ki, bu barədə Qvatemalanın Milli Fövqəladə Hallar Agentliyi məlumat yayıb.
Bildirilib ki, vulkanın püskürdüyü kül sütunları 4.8 kilometr hündürlüyə çatıb, lava axını isə təxminən 1.2 kilometr məsafəyə qədər uzanıb.
Qvatemalada 37 vulkan var, lakin onların bir çoxu sönmüş hesab olunur.
Fueqo vulkanı tez-tez aktivləşməsi ilə tanınır. 2018-ci ilin iyununda baş verən püskürmə nəticəsində 200-dən çox insan həyatını itirmişdi.
