Yeni koronavirus infeksiyasının yayılması ilə əlaqədar olaraq Rusiyanın İstehlakçı hüquqlarının müdafiəsi və insan rifahına nəzarət üzrə Federal Xidməti (Rospotrebnadzor) epidemiya vəziyyətini izləmək və ehtiyacı olan ölkələrə yardım göstərmək üçün xarici tərəfdaşlarla əməkdaşlıq qurub.
Oxu.Az xəbər verir ki, bu barədə qurumun rəsmi saytında məlumat yerləşdirilib.
“Rospotrebnadzor” tərəfindən yaradılmış test sistemləri Avrasiya İqtisadi Birliyi ölkələrinə, Azərbaycana, Özbəkistana, Tacikistana, Türkmənistana, Monqolustana, Çinə və İrana göndərilib.
Ümumilikdə, bu ölkələrdə COVID-19-un müəyyən edilə bilməsi üçün diaqnostika laboratoriyalarına 800 test sistemi verilib. Həmin sistemlər 80 min tədqiqat aparmağa imkan verir.
