Rusiya Hərbi Dəniz Qüvvələrinin (HDQ) baş komandanının müavini Mixail Qudkov Kursk vilayətində həlak olub.
Oxu.Az xəbər verir ki, bu barədə Amur vilayətinin qubernatoru Oleq Kojemyako özünün "Telegram" kanalında məlumat yayıb.
Qeyd olunur ki, M.Qudkovla bərabər onun döyüş yoldaşı Nəriman Şıxəliyev də həyatını itirib.
Bildirilir ki, hər iki zabitin Rusiya donanmasının elit bölmələrində zəngin təcrübəsi olub. Onlar Sakit okean donanmasınln 155-ci Əlahiddə Mühafizəçi Dəniz Briqadasında xidmət ediblər.
Dağıstanın Tabasaran vilayətinin administrasiyasının məlumatına görə, N.Şıxəliyev müqavilə əsasında bölmədə xidmət edib və 2022-ci ilin noyabrında Prezident Vladimir Putin onu "İgidliyə görə" ordeni ilə təltif edib.
Primorsk diyarının qubernatoru həlak olan zabitlərin ailələrinə, dostlarına və həmkarlarına dərin hüznlə başsağlığı verib.
Xatırladaq ki, Kursk vilayətində hərbi əməliyyatlar 2024-cü il avqustun 6-da Ukrayna qoşunlarının bölgəyə daxil olmasından sonra başlayıb. Həmin vaxtdan 2025-ci ilin aprel ayına qədər bölgədə döyüşlər gedirdi.
