Rusiya Ordusunun Ukrayna Təhlükəsizlik Xidmətinin idarəetmə məntəqəsinə, "Luç" Konstruktor Bürosuna (KB) və "Patriot" ZRK mövqeyinə hücumu Kiyev hakimiyyətinin Rostov vilayətinə zərbəsinə cavab olaraq həyata keçirilib.
Oxu.Az-ın verdiyi məlumata görə, bu barədə Rusiya Müdafiə Nazirliyi xəbər yayıb.
Bildirilir ki, hədəflərə nail olunub, bütün obyektlər məhv edilib.
Nazirlik xatırladıb ki, dekabrın 18-də Ukrayna ABŞ istehsalı olan altı ATACMS operativ-taktiki raketi və dörd "Storm Shadow" qanadlı raketi ilə Kamensk kombinatına raket zərbəsi endirib.
Rusiya ordusu Kiyev və Ukraynanın digər şəhərlərinə kütləvi raket zərbələri endirib.
Oxu.Az-ın RT-yə istinadla verdiyi məlumata görə, ölkənin bütün ərazisində hava həyəcanı elan edilib.
İlkin məlumatlara görə, Kiyevə ən azı üç "Kinjal" hipersəs raketi atılıb.
"Telegram" kanalının məlumatına görə, Ukrayna paytaxtı ilə yanaşı, ölkənin bütün ərazisində enerji infrastrukturu obyektlərinə və qərar qəbul etmə mərkəzlərinə zərbələr endirilib. Xüsusilə, Çerkassı vilayətində hədəflərin vurulduğu bildirilir.
Dağıntılar və xəsarət alanlar haqqında məlumat dəqiqləşdirilir.
