Rusiya səmasında maraqlı işıqlar qeydə alındı

Rusiyanın Sankt-Peterburq şəhəri üzərində səmada işıq sütunları qeydə alınıb və bu, internet istifadəçilərinin diqqətini cəlb edib.

Oxu.Az-ın xəbərinə görə, müvafiq kadrlar "78. Novosti" "Telegram" kanalında paylaşılıb.

Heyrətamiz "zolaqlı" parıltıların olduqca sadə izahı mövcuddur. Hündürlükdəki soyuq temperatur şərtlərində sirrus buludlarında (tüklü və lələkli buludlar - red.) kiçik buz hissəcikləri əmələ gəlir və sonra onlar yerə doğru enir. Məhz bu hissəciklər işıq sütunları effektini yaradır.

Məlumata görə, işıq sütunu ən çox gün batanda və ya gün çıxanda görünür, gecə Aydan və ya parlaq planetlərdən, eləcə də yerüstü işıq mənbələrindən sütunlar müşahidə olunur.