Rusiyada kvest oyunu zamanı faciə: Ölənlərin sayı artdı

Rusiyanın Mahaçqala şəhərində horror-kvest (xüsusi hazırlanmış otaqda bir neçə nəfər şəxs üçün qorxulu oyun) seansı zamanı yanıq xəsarəti alan daha bir nəfər həyatını itirib.

Oxu.Az xəbər verir ki, bu barədə Dağıstan Respublikasını Klinik Xəstəxanasının yanıq şöbəsindən məlumat verilib.

Qeyd olunur ki, insidentlə əlaqədar Dağıstan prokurorluğunda araşdırma aparılır.

11:40

Rusiyanın Mahaçqala şəhərində 19 yaşlı Asiya adlı qız horror-kvest (xüsusi hazırlanmış otaqda bir neçə nəfər şəxs üçün qorxulu oyun) seansı zamanı həyatını itirib.

Oxu.Az Rusiya mətbuatına istinadən xəbər verir ki, hadisə otaqda başlayan yanğın nəticəsində baş verib.

İnsident nəticəsində oyunda iştirak edən daha iki gənc müxtəlif dərəcəli bədən xəsarətləri alıb.

Qeyd olunub ki, işçilər yanğını söndürməyə çalışsalar da buna nail ola bilməyiblər.