Rusiya Federal Təhlükəsizlik Xidmətinin (FTX) əməkdaşları Moskva vilayətində Müdafiə Nazirliyinin yüksəkrütbəli əməkdaşına qarşı terror aktının qarşısını alıblar.
Oxu.Az-ın TASS-a istinadən xəbərinə görə, bu barədə FTX-nin İctimaiyyətlə Əlaqələr Mərkəzindən məlumat verilib.
Məlumata görə, saxlanılan şübhəli şəxsin içində 60 kq partlayıcı olan avtomobili park etməli olduğu üzə çıxıb.
"Rusiya Federasiyasının Federal Təhlükəsizlik Xidməti Moskva vilayətində terror aktı hazırlayan 1989-cu il təvəllüdlü Rusiya və Ukrayna vətəndaşını saxlayıb", - deyə məlumatda bildirilib.
FTX-nin qeyd etdiyinə görə, üçüncü ölkənin ərazisində işə cəlb edilmiş "Voron" ləqəbli Ukrayna xüsusi xidmət orqanlarının agenti müəyyən edilib.
"Telegram" mesencerində kuratorun göstərişinə əsasən, o, əldəqayırma partlayıcı qurğu düzəldib və onu avtomobildə gizlədib. Daha sonra 60 kq-dan çox partlayıcı ilə doldurulmuş avtomobil təyin olunmuş yerdə saxlanmalı və Rusiya Müdafiə Nazirliyinin yüksəkrütbəli hərbçisi bilavasitə yaxınlıqdan keçərkən partladılmalı idi. Şübhəli şəxs planlaşdırılan cinayəti yerinə gedərkən yolda saxlanılıb.
