Rusiya Prezidenti Vladimir Putin doqquzuncu çağırış Dövlət Dumasına seçkinin sentyabrın 20-də keçirilməsi barədə fərman imzalayıb.
Oxu.Az xəbər verir ki, müvafiq sənəd Kremlin saytında dərc olunub.
Qeyd olunub ki, Dövlət Duması deputatlarının seçilməsi ilə yanaşı, vahid səsvermə günündə müxtəlif səviyyəli 2.2 mindən çox seçki kampaniyasının keçirilməsi nəzərdə tutulur. Bu kampaniyaların yekunlarına əsasən, təxminən 20.7 min deputat mandatı və seçkili vəzifələrin yerinə yetirilməsi planlaşdırılır. Sözügedən kampaniyalar çərçivəsində 11 regionun rəhbəri seçiləcək; onlardan 8-i birbaşa səsvermə yolu ilə, qalan 3 subyektdə isə ali vəzifəli şəxslər qanunverici məclislər tərəfindən müəyyən ediləcək. Rusiya Federasiyası subyektlərinin qanunverici orqanlarına deputat seçkilərinin isə ümumilikdə 39 regionda keçirilməsi planlaşdırılır.
