Rusiyanın Altay Respublikasının Artıbaş kəndində ayı içində turistlərin olduğu çadıra hücum edib, turist qadını çıxararaq meşəyə sürüyüb və daha sonra onu yeyib.
Oxu.Az-ın TASS-a istinadən xəbərinə görə, bu barədə fövqəladə xidmətlərdən məlumat verilib.
"Turist bazasında çadırda dincəlirmişlər. Ayı gəlib və qızı çadırdan dartıb çıxarıb, meşəyə sürüyüb, bütün əzalarını yeyib və basdırıb. Qız həyatını itirib. Yerli sakinlər tədbir görməyə çalışıblar, amma təəssüf ki, ayı onların üstünə cumurmuş və heç kim heç nə ilə kömək edə bilməyib", - deyə məlumatda bildirilib.
Hazırda heyvanla nə etmək lazım olduğuna dair məsələ ilə bağlı qərar verilir. Rusiya Daxili İşlər Nazirliyinin Regional Baş İdarəsindən bildirildiyinə görə, ölən qadının 29 yaşı olub.
