Sinqapurda kişi ikiarvadlılığa görə həbs edilib.
Oxu.Az bu barədə "Channel NewsAsia" telekanalına istinadən xəbər verir.
Bildirilir ki, 67 yaşlı Teonq Min ikinci ailəsini birinci arvadından 30 il gizlədib.
Birinci həyat yoldaşı həqiqəti yalnız bu il Sinqapurun Miqrasiya və Sərhəd Nəzarəti İdarəsi tərəfindən Min barəsində başlanmış araşdırma zamanı öyrənib. Qadın indi nikahın ləğvi üçün müraciət etməyə hazırlaşır.
Məhkəmə Sinqapur vətəndaşını 1 il 5 ay həbs cəzasına məhkum edib.
Qeyd edək ki, Sinqapurda ikiarvadlılıq cinayət hesab olunur və həbs cəzası, yaxud böyük məbləğdə cərimə ilə cəzalandırılır.
