Suriya ordusunun döyüşçüləri dünən Əl-Kuneytr (Dəməşqdən 40 km aralı) şəhərinin şimalında yerləşən Tellet-ən-Nakkar yüksəkliyini ələ keçiriblər.
Oxu.Az TASS-a istinadən xəbər verir ki, bu barədə SANA agentliyi məlumat yayıb.
Keçirilən əməliyyat nəticəsində Suriya ordusu oradan “Cəbhət Fəth aş-Şam” (keçmiş “Cəbhət ən-Nüsra”) qruplaşmasının yaraqlılarını sıxışdırıb çıxarıb.
Yüksəklik ilə yanaşı Dəməşq-Əl-Kuneytr yolu keçir, həmin yolu daima terrorçular kəsirdilər. Onlar həmçinin Hodr yaşayış məntəqəsinin yaxınlığında yerləşən müdafiə xəttini də blok ediblər.
Suriya SQ-nin komandanlığının nümayəndəsinin agentliyə verdiyi məlumata görə, hazırda avtomobil yolu təhlükəsizdir. Onun sözlərinə görə, indi Suriya hərbçiləri düşmənin bütün addımlarını atəş altında saxlayacaq və yaraqlılara yola çıxmağa imkan verməyəcəklər.
N.O.
www.oxu.az
