Suriyada druzların məskunlaşdığı Dəməşqin ətraf bölgələrində iki gün davam edən silahlı toqquşmalardan sonra bu gün atəşkəs razılaşması qüvvəyə minib.
Oxu.Az xəbər verir ki, bu barədə "Syria TV" məlumat yayıb.
Qeyd olunur ki, ötən gün Suriya rəsmiləri ilə druz icmasının ağsaqqalları ilə Dəməşq yaxınlığında görüş keçirilib.
Nəticədə Suriya təhlükəsizlik qüvvələrinin hərbçilərinə hücum edən və 20-yə yaxın əməkdaşın ölümü ilə nəticələnən hücumu törədən cinayətkarların hüquq-mühafizə orqanlarına təslim edilməsinə dair razılıq əldə olunub.
Qeyd edək ki, druz liderlərindən birinin Məhəmməd peyğəmbəri təhqir etməsi müsəlmanların hiddətinə səbəb olub və nəticədə bölgədə gərginlik yaranıb. Hökumət qüvvələri isə druzlarla suriyalı ərəblər arasında başlamış qarşıdurmanı yatırmaq məqsədilə ölkənin cənubuna göndərilib. Lakin bundan hiddətlənən druzlar ordu bölmələrinə atəş açıblar.
