Suriyada mer və oğlu güllələndi

Naməlum cinayətkarlar Suriyanın paytaxtı Dəməşqin cənub-şərqində yerləşən Saxnaya şəhərinin meri Husam Varuranı güllələyiblər.

Bu barədə Oxu.Az "Syria TV" telekanalına istinadla xəbər verir.

İnsident zamanı merlə birlikdə onun oğlu da öldürülüb. Merə qarşı sui-qəsd günün birinci yarısında Dəməşq yaxınlığında törədilib.

Hökumət orqanları qətlin başvermə səbəblərini araşdırırlar.

Qeyd edək ki, mayın 1-də Caraman və Saxnaya ətrafında atəşkəs elan edilib. Sözügedən bölgələrdə iki gün ərzində Dəməşqdəki keçid hökumətinə tabe olan təhlükəsizlik qüvvələri ilə yerli silahlı dəstələr arasında toqquşmalar baş verib.