İranın Təbriz şəhərində yanacaqdoldurma məntəqəsində baş verən yanğından yeni görüntülər yayılıb.
Oxu.Az xəbər verir ki, bu görüntülər "Azad İran" "Telegram" kanalı tərəfindən paylaşılıb.
Xatırladaq ki, hadisə Təbrizdə Kəsayi magistralı yaxınlığında yerləşən yanacaqdoldurma məntəqəsində baş verib.
İranın Təbriz şəhərində yanacaqdoldurma məntəqəsində yanğın baş verib.
Oxu.Az-ın IRNA-ya istinadla verdiyi məlumata görə, bu barədə Şərqi Azərbaycan ostanının böhran idarəetmə xidmətinin direktoru Məcid Fərşi xəbər verib.
Bildirilir ki, ərazidə yanacaq daşıyan tanker alışıb.
"Yanğınsöndürənlər yanan tankeri stansiyadan təhlükəsiz məsafəyə çəkə və alovları lokallaşdıra biliblər. Əgər alov yanacaq çənlərinə keçsəydi, nəticələr fəlakətli olardı", - deyə Fərşi vurğulayıb.
Fövqəladə Hallar Departamentinin məlumatına görə, yanğının söndürülməsi üçün 6 yanğınsöndürmə briqadası cəlb edilib.
Hadisə zamanı iki yanğınsöndürən xəsarət aldığı, lakin onların həyatı üçün təhlükə olmadığı bildirilib. Mülki şəxslər arasında ölən və xəsarət alanların olmadığı vurğulanıb.
Qeyd edilir ki, tankerin alışma səbəbləri hələ müəyyən edilməyib. Hadisə yerində ekspertlər və hüquq-mühafizə orqanlarının əməkdaşları işləyirlər.
