"Telegram"da ödənişli mesajlar olacaq

"Telegram" ödənişli mesajlar funksiyasını sınaqdan keçirməyə başlayıb.

Oxu.Az-ın verdiyi məlumata görə, bu barədə "Telegram İnfo" kanalı məlumat yayıb.

Bildirilir ki, mesencerin istifadəçiləri onun "Ödənişli mesajlar" funksiyasını sınaqdan çıxardığını görməyə başlayıblar.

İstifadəçilər funksiyanın həyata keçirilməsi ilə mesaj göndərmək üçün tələb olunan ulduzların sayını tənzimləyə biləcəklər.

Ödənişli mesajların tətbiqi həm şəxsi çatlarda, həm də şərhlər şəklində qruplarda mümkün olacaq. Ödənişli mesaj parametrləri söhbət növündən asılı olaraq dəyişə bilər.

Hazırda funksiya yalnız "Telegram" test serverində bəzi istifadəçilər üçün əlçatandır.

Digər aspektlər haqqında detallar hələ açıqlanmır.