Sovet rejissoru Eldar Ryazanovun "Taleyin ironiyası və ya həmişə təmizlikdə" adlı komediyası Böyük Britaniyada ən yaxşı Yeni il filmləri siyahısına daxil edilib.
Oxu.Az-ın xəbərinə görə, bu barədə "The Guardian" nəşri yazıb.
"The Guardian"ın siyahısına, həmçinin Billi Uaylderin "Mənzil" və "Sanset bulvarı", Stenli Kubrikin "Parıltı" qorxu filmi, "Poseydonun macəraları" fəlakət filmi, "Üzüklərin tanrısı" trilogiyası, Ketrin Biqelounun "Qəribə günlər", Vudi Allenin "Radio günləri", "Tətil" romantik komediyası, "La Bonne Annee" fransız filmi, Pol Tomas Andersonun "Xəyali sap" və Rob Raynerin "Harri Salli ilə rastlaşanda" filmləri də daxil edilib.
