Tramp: “Almaniyanı milyardlar ödədiyi Rusiyadan niyə qoruyaq?”

ABŞ Prezidenti Donald Tramp ölkəsinin nəyə görə Berlini müdafiə etməli olduğunu anlamadığını açıqlayıb.

Gazeta.ru-nun məlumatına görə, bu barədə ABŞ lideri “Twitter” hesabında yazıb.

“Almaniya Rusiyaya hər il enerji üçün milyardlarla dollar ödəyir, ancaq biz Almaniyanı Rusiyadan qorumalıyıq. Bütün bunlar nə deməkdir?”, - deyə, D.Tramp bildirib.

Xatırladaq ki, bir qədər əvvəl Pentaqon 12 min amerikalı hərbçinin Almaniyadan çıxarılacağını elan edib.