ABŞ Prezidenti Donald Tramp bildirib ki, onun Yohannesburqda keçiriləcək G20 sammitində iştirakı ehtimalı azdır.
O, Cənubi Afrika Respublikasının (CAR) "çox pis" siyasəti səbəbindən noyabrın 22-23-də keçiriləcək G20 liderlərinin görüşünə qatılmayacağını vurğulayıb.
Oxu.Az-ın xəbərinə görə, bu barədə ABŞ lideri təyyarəsinin göyərtəsində jurnalistlərə bildirib.
"Çünki onların Cənubi Afrikada çoxlu problemləri var. Onların çox pis siyasətləri var, insanları öldürürlər. Buna görə də çox güman ki, getməyəcəyəm", - deyə Tramp bildirib.
O əlavə edib ki, ABŞ-dən sammitə başqasını göndərə bilər.
Tramp fevral ayında CAR-ın ağdərili fermerlərə qarşı "görülməmiş hərəkətlərinə" görə Birləşmiş Ştatların Cənubi Afrikaya yardımı dayandıracağını bildirmişdi.
