Tramp: "İsrail Baydenə qulaq asmadığı üçün Yaxın Şərqdəki mövqeyini gücləndirdi"

"İsrail Yaxın Şərq münaqişəsində mövqeyini yaxşılaşdırıb, çünki baş nazir Benyamin Netanyahu ABŞ lideri Co Bayden və onun administrasiyasının göstərişlərinə məhəl qoymur".

Oxu.Az TASS-a istinadən xəbər verir ki, bu fikri Respublikaçılar Partiyasından prezidentliyə namizəd Donald Tramp Pensilvaniyada keçirdiyi mitinqdə tərəfdarları qarşısında çıxış edərkən deyib.

D.Trampın sözlərinə görə, C.Baydenin təkliflərinə cavab olaraq "əksini etsəniz, xarici siyasət məsələlərində ABŞ-nin ən böyük prezidenti ola bilərsiniz".