ABŞ Prezidenti Donald Tramp girovların azad edilməsinin ilk günündə İsrail parlamentində (Knesset) çıxış etmək üçün İsrailə gedib.
Bu barədə Oxu.Az İzvestiya.ru-ya istinadən xəbər verir.
İsrail hökumətinin mətbuat xidməti onun təyyarəsinin Ben-Qurion hava limanına enişini yayımlayıb.
Məlumata görə, hava limanında Trampı qırmızı xalça üzərində fəxri qarovul və hərbi orkestrin müşayiəti ilə İsrailin Baş naziri Benyamin Netanyahu və həyat yoldaşı Sara, eləcə də İsrail Prezidenti İsxak Hersoq qarşılayıblar.
Hava limanından Tramp Qüdsə gedəcək və orada Knessetdə (İsrail parlamenti) çıxış edəcək, bundan sonra dərhal hava limanına qayıdacaq, oradan isə Qəzza zolağında nizamlanmaya dair razılaşma fonunda çağırılan "Sülh Sammiti"ndə iştirak etmək üçün Misirə gedəcək.
