Kreml ABŞ Prezidenti Donald Trampın Moskvanı bombalamaqla bağlı mümkün niyyətləri ilə əlaqədar CNN tərəfindən dərc edilmiş bəyanatların həqiqiliyini təsdiqləməkdə çətinlik çəkir.
Oxu.Az-ın xəbərinə görə, bu barədə TASS-a Rusiya prezidentinin mətbuat katibi Dmitri Peskov bildirib.
Kreml nümayəndəsi qeyd edib ki, amerikalı siyasətçinin ABŞ-də səsləndirdiyi bəyanatlara münasibət bildirmək səlahiyyəti yoxdur.
"Bunun saxta olub-olmadığını biz də bilmirik. İndi saxta xəbərlər çoxdur. Çox vaxt saxta məlumatlar həqiqi məlumatda daha çox olur. Biz bu və ya digər xəbərləri təhlil edəndə həmişə bunu nəzərə alırıq", - Peskov vurğulayıb.
Ağ Evin rəhbəri Donald Tramp 2024-cü ildə keçirilən tədbirlərin birində Rusiya Prezidenti Vladimir Putini Ukraynaya qarşı hərbi əməliyyat başlayarsa, Moskvanı bombalayacağı ilə hədələyib.
Oxu.Az-ın xəbərinə görə, bu barədə CNN onda olan audioyazıya istinadən məlumat yayıb.
"Mən Putinə dedim: "Ukraynaya hücum etsəniz, Moskvanı bombalayacağam. Sizə deyirəm, başqa seçimim yoxdur", - deyə CNN Trampın sözlərindən sitat gətirib.
ABŞ prezidentinin sözlərinə görə, Putin ona inanmadığını bildirib, lakin Ağ Ev rəhbəri əmindir ki, Putin ona 10% inanıb.
Telekanal iddia edir ki, Tramp Tayvanla bağlı Çinin Sədri Si Cinpinə də hücumla hədələyərək oxşar xəbərdarlıq edib.
Ağ Ev rəhbərinin sözlərinə görə, Çin sədri onun ağlını itirdiyini düşünüb.
"Mən cavab verdim: "Başqa seçimim yoxdur, sizi bombalamalı olacağam. Biz Pekini bombalayacağıq", - deyə ABŞ lideri bildirib.
Tramp iddia edir ki, Si Cinpin də 10% ona inanıb.
Qeyd olunub ki, Trampın qərargahı səs yazılarının məzmununa şərh verməkdən imtina edib.
