ABŞ Prezidenti Donald Tramp Ukrayna tənzimlənməsi ilə bağlı açıqlamalar verib.
Oxu.Az TASS-a istinadən xəbər verir ki, dövlət başçısı ukraynalı həmkarı Volodimir Zelenski ilə görüşün media üçün açıq keçirilən hissəsində həm Putinin, həm də Zelenskinin Ukraynada sülh istədiyini bildirib.
Tramp Ukrayna ilə bağlı razılaşmanın konturlarının artıq hazır olduğuna əminliyini ifadə edib. O, Moskvanın Ukraynada sülhə ciddi yanaşmadığı ilə bağlı iddiaları rədd edib.
Tramp bəyan edib ki, Ukraynadakı münaqişənin həlli çox tez baş verə bilər. Onun fikrincə, münaqişə həll edildikdən sonra Avropa ölkələri Ukraynada sülhün qorunmasında əhəmiyyətli dərəcədə iştirak edəcəklər və bu tənzimləmə Kiyevə əhəmiyyətli iqtisadi fayda gətirəcək.
