ABŞ prezidenti Donald Tramp yeddi yaşlı uşaqla telefon danışığında onun Santa-Klausa inanıb-inanmadığını soruşub.
Oxu.Az xəbər verir ki, həmin söhbətin videogörüntüsü “Daily Beast” nəşrinin “Twitter” səhifəsində paylaşılıb.
Donald Tramp və həyat yoldaşı Melaniya Tramp Ağ Evdə telefon rejimində uşaqları Milad bayramı münasibətilə təbrik edib. “Deadline” portalının yazdığına görə, Melaniya Tramp uşaqların bayram əhval-ruhiyyəsini yüksəltməyə çalışdığı bir vaxtda, ABŞ prezidenti Miladın “sehrini” ifşa etməyə çalışıb.
“Sən hələ də Santaya inanırsan?”, - deyə D.Tramp yeddi yaşlı uşağa müraciət edib.
O yeddi yaşlı uşağın belə şeylərə inanmasının “qeyri-normal” olduğunu dilə gətirib.
Tramp uşağın “ürəyini sındırdı” - VİDEO
