ABŞ Prezidenti Donald Tramp sələfi Co Baydenin 2020-ci ildə öldüyü və o vaxtdan etibarən "klon"la əvəz edildiyinə dair nəzəriyyənin tərəfdarı olduğunu bildirib.
Oxu.Az-ın xəbərinə görə, Tramp "Truth Social" səhifəsində bununla bağlı qəribə paylaşım edib.
"Hər hansı Co Bayden yoxdur - 2020-ci ildə edam edilən Co Bayden. Baydenin klonları, oxşarları və robotlaşdırılmış ruhsuz beyinsiz varlıqlar var - gördüyünüz budur. Demokratlar fərqi görmürlər", - deyə Trampın paylaşdığı "llijh" adlı istifadəçinin tvitində bildirilir.
Dövlət başçısı yazıya heç bir şərh əlavə etməyib və nə demək istədiyini təxmin etməyi abunəçilərin ixtiyarına buraxıb. Şərhlər özünü çox gözlətməyib və istifadəçilərin fikirləri bölünüb.
"Hamımız bilirdik ki, nə isə tamamilə yanlış idi. Baxmayaraq ki, Tramp dəfələrlə Co Baydenin güllələndiyini iddia edirdi", "Vay! Prezident Tramp bu postu indicə təkrar paylaşım edib", "Prezident Trampın indicə bu postu təkrar paylaşım etdiyinə inana bilmirəm", "Təşəkkür edirəm, bilirsiniz bunu nə qədər vaxtdır deyirəm? Tramp hələ ilk dövründə bizim prezidentimiz idi və mən bilirdim ki, Co Bayden onun prezidentlik yarışı zamanı yox idi... Baydenə tələ qurdular... aktyora (mavi gözlər və qəhvəyi gözlər)", "Bütün MAGA-lar kimi, siz hamınız sui-qəsd nəzəriyyəsi ilə məşğulsunuz. Düşünürsünüz ki, Yer kürəsi düzdür? Sadəcə maraqlıdır", - deyə paylaşımın altında şərhlər yazılıb.
