Türkiyə “Bayraktar”ları Litvaya hədiyyə edəcək - YENİLƏNİB + FOTO

Türkiyənin “Baykar” şirkəti Litvaya “Bayraktar TB2”ləri hədiyyə edəcək. 

“Baykar” şirkəti Litvaya “Bayraktar TB2” hədiyyə edəcək və toplanan məbləğin humanitar yardım üçün Ukraynaya göndərilməsini istəyəcək”, - deyə şirkətin “Twitter” hesabında qeyd olunub. 

Litvanın milli müdafiə naziri Arvidas Anuşauskas isə Türkiyənin bu jestinə görə təşəkkürünü bildirib:

“Bu, inanılmazdır. Az öncə Türkiyə Litva xalqının almaq üçün pul yığdığı “Bayraktar”ı təmənnasız şəkildə verməyə razılaşıb. Bu, möhtəşəmdir! Toplanan pula “Bayraktar” üçün lazım olan sursat alacağıq, qalan pul da Ukraynaya dəstəyə yönləndiriləcək. Təşəkkürlər, Türkiyə!” - deyə o bildirib.

The people of Lithuania have honorably raised funds to buy a Bayraktar TB2 for Ukraine.

Upon learning this, Baykar will gift a Bayraktar TB2 to Lithuania free of charge and asks those funds go to Ukraine for humanitarian aid.

🇹🇷🇺🇦🇱🇹@a_anusauskas@VSemeska@Lithuanian_MoD pic.twitter.com/3PjIyZiME5

— BAYKAR (@BaykarTech) June 2, 2022

13:06

Çərşənbə günü Litva və Türkiyə nümayəndələri Ankarada Litvaya “Bayraktar” döyüş PUA-ları almağa icazə verən müqavilə imzalayıblar.

Ölkə bu cür pilotsuz uçan aparatı və digər avadanlıqları “Laisves TV”nin təşəbbüsü çərçivəsində sakinlərin topladığı pulla alacaq. Bu təşəbbüs alınan PUA-ların Rusiya işğalına qarşı mübarizə aparan Ukraynaya verilməsini nəzərdə tutur.

Türkiyə silahlarının əldə edilməsinə dair niyyət protokolunu müdafiə nazirinin müavini Vilyus Semeşka və Türkiyə Müdafiə Sənayesi Agentliyinin rəhbəri imzalayıblar.

“Biz müqavilə imzaladıq. Bu, siyasi səviyyədə gələcək satınalmalar üçün yaşıl işıq deməkdir”, - deyə Semeşka bildirib.

Cümə axşamı o, “Bayraktar” dron şirkətinin rəhbəri ilə görüşəcək.

Xəbər verdiyimiz kimi, Litvada üç gün ərzində Ukrayna üçün “Bayraktar TB2” pilotsuz təyyarəsinin alınması üçün beş milyon avro toplanılıb.

Mənbə: Yevropeyskaya pravda