Türkiyə ordusundan geniş antiterror əməliyyatı: Onlarla sığınacaq aşkarlandı

Türkiyənin müxtəlif hərbi birliklərinin iştirakı ilə terrorçulara qarşı "Gürz-17" əməliyyatı keçirilib.

Oxu.Az xəbər verir ki, bu barədə Türkiyənin daxili işlər naziri Ali Yerlikaya özünün "X" hesabında paylaşım edib.

O bildirib ki, əməliyyat nəticəsində terrorçuların gizləndiyi 71 mağara və sığınacaq aşkar edilərək dağıdılıb.

Terrorçular həmin sığınacaqlarda çoxlu sayda silah-sursat saxlayıblar.

A.Yerlikaya terrorçulara qarşı mübarizənin davam edəcəyini bildirib.