Türkiyədə güclü zəlzələ: Dağıntılar və xəsarət alan var - YENİLƏNİB + FOTO/VİDEO

Türkiyənin Tokat vilayətində baş verən 5,6 bal gücündə zəlzələ nəticəsində bir sıra binalara ciddi ziyan dəyib.

Bu barədə Türkiyənin səhiyyə naziri Fahrettin Koca bildirib.

Onun sözlərinə görə, Tokatda bir ev və iki məscidin minarələri dağıdılıb. Bundan başqa, zəlzələnin təsiri ilə Yozgat şəhərində üç ev ciddi zərər çəkib.

Həmçinin, Tokatda təbii fəlakət zamanı bir nəfər xəsarət alıb.

Hadisə yerində xilasedicilər və təcili tibbi yardım briqadaları işləyirlər.

Bölgədə tədrisə birgünlük ara verilib.

Mənbə: Haber Global

19:28

Türkiyənin Tokat vilayətinin Sulusaray rayonunda zəlzələ baş verib.

Bu barədə Türkiyə Fövqəladə Halların İdarə olunması Agentliyindən (AFAD) məlumat verilib.

Məlumata görə, yeraltı təkanların gücü 5,6 bal olub.

Zəlzələnin ocağı 6 km dərinlikdə yerləşib.

#DEPREM
Büyüklük:5.6 (Mw)
Yer:Sulusaray (Tokat)
Tarih:2024-04-18
Saat:18:11:22 TSİ
Enlem:40.05806 N
Boylam:35.95611 E
Derinlik:5.99 km
Detay:https://t.co/4qHx1lPdvQ@afadbaskanlik @trthaber @anadoluajansi

— AFAD Deprem (@DepremDairesi) April 18, 2024