Türkiyədə İstanbul Prokurorluğunun apardığı narkotik təhqiqatı çərçivəsində saxlanılaraq həbs edilən sosial media fenomeni Rabia Karaca verdiyi ifadədə İstanbulun keçmiş meri və onun komandası ilə bağlı diqqətçəkən iddialarla çıxış edib.
Oxu.Az Türkiyə KİV-ə istinadən xəbər verir ki, Karacanın iddialarına görə voleybolçu Derya Çayırqan İstanbulun keçmiş meri Ekrem İmamoğlunun sevgilisi olub.
Karaca vurğulayıb ki, İmamoğlu onun ödənişlərini öz üzərinə götürüb. O əlavə edib ki, özü də İstanbul Böyükşəhər Bələdiyyəsi ilə bağlı korrupsiya işi üzrə şübhəli bilinən Murat Gülibrahimoğlu ilə eşq yaşayıb: "Gülibrahimoğlu xaricdə qumarda beş dəqiqəyə 200 min dollar uduzdu. Bu, İstanbul Böyükşəhər Bələdiyyəsində qazandığı pullar idi".
