Türkiyə Sakarya vilayətinin Ferizli rayonunda kütləvi zəhərlənmə hadisəsi baş verib.
Bu barədə Oxu.Az "Haber Global"a istinadən xəbər verir.
Məlumata görə, mövlud mərasiminə qatılan və mövlud süfrəsində toyuqlu plov yeyən çox sayda insanda ürəkbulanma, ağrı və ishal şikayətləri ortaya çıxıb.
Nəticədə 17 nəfər qida zəhərlənməsi şübhəsi ilə xəstəxanaya yerləşdirilib.
Hadisə ilə bağlı araşdırma başladılıb.
Qeyd edək ki, daha əvvəl Türkiyənin Kocaeli vilayətində 648 nəfər toyuq dönərindən zəhərlənib. Həmçinin Konya vilayətinin Sarayönü rayonunda 400-ə yaxın insan zəhərlənmə şübhəsi ilə xəstəxanalara müraciət edib, lakin səbəbi müəyyən edilməyib.
