Türkiyədə turizm mərkəzində baş verən partlayışın səbəbi məlum oldu

Türkiyənin Sivas şəhərində "Yıldız dağı" qış idmanı və turizm mərkəzində baş verən partlayışın səbəbi məlum olub.

Bu barədə Oxu.Az Türkiyə KİV-ə istinadən xəbər verir.

Məlumata görə, turizm mərkəzinin "Yıldızhan" hotelinin aşağı mərtəbəsində qadın xizəkçilərin istirahət otağında qaz sızması baş verib və partlayış da bundan qaynaqlanıb.

Qeyd edək ki, Sivas valiliyinin verdiyi açıqlamada partlayış nəticəsində iki xizəkçi və bir məşqçinin yüngül xəsarət aldığı, bir məşqçinin isə əlində və üzündə ikinci dərəcəli yanıqlar əmələ gəldiyi bildirilib.

14:32

Türkiyənin Sivas şəhərində "Yıldız dağı" qış idmanı və turizm mərkəzində partlayış baş verib.

Bu barədə Oxu.Az Türkiyə KİV-ə istinadən xəbər verir.

Məlumata görə, xizək kurortunda Sivas Gənclər və İdman İdarəsinin idmançılarının qaldığı ərazidə baş verən partlayış zamanı biri ağır olmaqla, 4 nəfər yaralanıb. Yaralananlar arasında məşqçilər və xizək atletləri də var.

Hadisə yerinə tibbi qruplar göndərilib. Yaralılar təcili tibbi yardım helikopteri və maşınları ilə şəhər mərkəzindəki xəstəxanalara çatdırılıb və müalicə altına alınıb. Həyatlarına təhlükə olmadığı bildirilir.

Sivas valisi Yılmaz Şimşək partlayışla bağlı açıqlama verib.

"İdmançıların otağında alışqan yandırıldıqdan dərhal sonra partlayış baş verib. Hadisənin səbəbini araşdırırıq", - deyə o qeyd edib.

Türkiyədə turizm mərkəzində baş verən partlayışın səbəbi məlum oldu