Türkiyənin Burdur vilayətinin Bucak rayonu ərazisindən keçən İsparta-Antalya avtomobil yolunda zəncirvari yol-nəqliyyat hadisəsi baş verib.
Oxu.Az "Haber Global" telekanalına istinadən xəbər verir ki, qəza nəticəsində dörd nəfər həlak olub, daha 11 nəfər isə müxtəlif dərəcəli xəsarətlər alıb.
Dörd avtomobilin toqquşması nəticəsində nəqliyyat vasitələrindən ikisinin sürücüsü - İsmail Kır və Furkan Kürşat Yıldız, həmçinin sərnişinlər - 55 yaşlı İnci Yıldız və 60 yaşlı Ramazan Yıldız həyatını itiriblər.
Hadisə yerinə təcili tibbi yardım briqadaları, yanğınsöndürənlər və jandarma əməkdaşları cəlb olunublar. Yaralılar ətraf xəstəxanalara yerləşdiriliblər.
Faktla bağlı araşdırma aparılır.
Qaynar xətt:
(055) 224 12 12
