Türkiyədə onlarla rusiyalı turist günəşə ciddi allergiya səbəbindən tibbi yardıma müraciət edib.
Oxu.Az-ın xəbərinə görə, bu barədə SHOT "Telegram" kanalı məlumat verir.
Məlumata görə, xüsusilə Antalya, Kəmər və Sidedə vəziyyət kəskindir.
Turistlərin sözlərinə görə, 40 dərəcəyə qədər isti və aktiv ultrabənövşəyi şüalanma onlarda birdən-birə allergiyanın yaranmasına gətirib çıxarıb. Günəş kremləri kömək etmir, bir çoxlarında şiddətli qaşınma, dəridə qızartı, bütün bədəndə ləkələr, kiçik sızanaqlar, başgicəllənmə və ümumi zəiflik halları müşahidə olunur.
Belə hallar sığorta tərəfindən qarsalanmadığı üçün rusiyalılar müalicə xərclərini özləri ödəməli olurlar. Bəziləri hotelə həkim çağırır, bəziləri yerli klinikalara müraciət edir və onlara günəş allergiyası diaqnozu qoyulur. Ağır hallarda turistlərə sistem köçürülür ki, onun da qiyməti 120 dollara çatır.
Hazırda bir çox turistlər problemsiz dincəlmək üçün qızmar günəşdən qaçmağa çalışırlar: günorta saat 12-dən 15-ə kimi günəş vannası qəbul etmirlər, kremlərdən yararlanırlar və papaqlı "ağıllı" çimərlik geyimləri alırlar.
Həkimlər tətili pozmamaq və ciddi fəsadların qarşısını almaq üçün iqlim şərtlərini nəzərə almağı, allergiyanın ilkin əlamətlərini görməməzlikdən gəlməməyi məsləhət görürlər.
