Ukrayna Müdafiə Nazirliyinin monitorinq sistemləri "Starlink" və "Starshield" peyk sistemlərinin iş sürətinin bərpa edildiyini qeydə alır.
Oxu.Az xəbər verir ki, nazirliyin monitorinq sistemləri 400 km/saatdan çox sürətlə hərəkət edərkən "Starlink" və "Starshield"in iş sürətinin bərpasını rəsmi şəkildə təsdiqləyir.
Bundan əvvəl monitorinq sistemləri sözügedən şəbəkələrin fəaliyyətində məhdudiyyətlər qeydə almışdı. Hazırda sürət göstəriciləri yenidən normal vəziyyətə qayıdıb.
Eyni zamanda, nazirlik "Starlink" və "Starshield"in işini izləməyə və müvafiq göstəriciləri qeyd etməyə davam edir. Ukraynanın müdafiə naziri Yevgeni Xmara bildirib ki, peyk rabitəsinin fəaliyyətinin bərpası Ukrayna Prezidenti Volodimir Zelenskinin birbaşa danışıqlarının və qətiyyətli mövqeyinin nəticəsidir.
"Bu, ən yüksək səviyyədə birbaşa dialoqun və Ukrayna liderinin qətiyyətli mövqeyinin nəticə verdiyini göstərən növbəti nümunədir. Və bu nəticə ilk növbədə cəbhəmiz, hərbçilərimiz, pilotsuz uçuş aparatlarının işi, logistika və rabitə üçün mühüm əhəmiyyət kəsb edir", - deyə o vurğulayıb.
