Ukrayna XİN rəhbəri danışıqlarda Moskva ilə Kiyev arasında əsas fikir ayrılıqlarını açıqladı

Ukraynanın xarici işlər naziri Andrey Sibiqa İstanbulda keçirilən danışıqlardan sonra Moskva ilə Kiyev arasında əsas fikir ayrılıqlarını açıqlayıb.

Oxu.Az xəbər verir ki, bu barədə o, "X" sosial şəbəkəsindəki hesabında məlumat verib.

Onun sözlərinə görə, Ukrayna gələcəyə baxır, əsl sülh prosesinə başlamaq üçün bütün diqqətini tam və dərhal atəşkəsə yönəldib.

Eyni zamanda, Sibiqa iddia edir ki, Rusiya keçmişə fokuslanıb, atəşkəsi rədd edir və daim 2022-ci ildə İstanbulda pozulan danışıqlardan danışır. Ukrayna XİN rəhbəri hesab edir ki, Moskva üç il əvvəl olduğu kimi, absurd tələblər irəli sürür.