Ukraynanın Poltava şəhərində silahlı şəxs əsir götürdüyü polisi və özünü partlatmaqla təhdid edir.
Korrespondent.net xəbər verir ki, polis insanlara və sürücülərə müraciət edərək, həmin əraziyə (Ostap Vişni küçəsi) gəlməmələrini istəyib.
Bu barədə Ukrayna Milli Polisinin rəsmi saytında məlumat yerləşdirilib:
“Məsuliyyətdən qaçan kişi müqavimət göstərir və polis işçilərini qumbara ilə partladacağı barədə təhdid edir. Onunla danışıqlar aparılır”.
Həmin şəxsin başqasına məxsus avtomobili qaçırdığı bildirilir. Hazırda hadisə yerinə partlayıcı maddələr üzrə texniklər, istintaq-əməliyyat qrupu, regional polis, Poltava polis şöbəsinin və digər xüsusi xidmət orqanlarının cinayət-axtarış şöbəsinin əməkdaşları cəlb edilib.
