Ukraynanın energetika sahəsində korrupsiya qalmaqalı Kiyevin Avropa İttifaqına üzvlüyünə maneə ola bilər.
Oxu.Az xəbər verir ki, bu barədə noyabrın 13-də "La Repubblica" nəşri yazıb.
"Kiyevdə aparılan və artıq iki nazirin istefasına səbəb olan istintaq Ukraynanın Aİ-yə üzvlük prosesinə mane ola bilər", - materialda bildirilir.
Qəzet yazır ki, Rusiyanın dondurulmuş aktivlərindən Ukraynanın necə istifadə edəcəyinə dair şübhələr Qərbə həmin vəsaiti Kiyevə ötürmək üçün ən böyük əngəldir.
Xatırladaq ki, Ukrayna Milli Antikorrupsiya Bürosu (UMAB) energetika sahəsində korrupsiya sxemlərini aşkar etmək üçün araşdırmalara başlayıb. Ukrayna Prezidenti Volodimir Zelenski korrupsiyada ittiham olunan iş adamları Timur Mindiçə və Aleksandr Tsukermana qarşı sanksiyalar tətbiq edib.
