Ukraynanın dövlət borcu rekord həddə çatıb

Ukraynanın dövlət borcu 155.56 milyard dollar olmaqla rekord həddə çatıb.

Oxu.Az TASS-a istinadən xəbər verir ki, bu barədə ölkənin Maliyyə Nazirliyi məlumat yayıb.

Dəqiqləşdirilir ki, dövlət borcunun ümumi həcmi sentyabr ayında əvvəlki ayla müqayisədə 0.56% artıb. Sentyabrın sonuna olan məlumata görə, borc 6 404 milyard qrivna (155.56 milyard dollar) təşkil edib.

Ukrayna hakimiyyəti vergilərin və aksizlərin artırılmasının qaçılmaz olduğunu və bu tədbirə alternativ olmadığını etiraf edib.