Ukraynanın neçə minlik ordusu var? - Zelenski AÇIQLADI

Ukrayna Prezidenti Volodimir Zelenski bəyan edib ki, ölkə ordusunun şəxsi heyətinin sayı 880 min nəfər olaraq qalır və onu azaltmaq planı yoxdur.

Oxu.Az TASS-a istinadən xəbər verir ki, bu barədə o, Varşavada Polşanın Baş naziri Donald Tusk ilə keçirdiyi mətbuat konfransında bildirib.

Eyni zamanda, Zelenskinin sözlərinə görə, bu 880 min nəfər ölkə daxilində səpələnib. Buna görə də Kiyev Ukrayna Silahlı Qüvvələrinin sayının azaldılmasının əleyhinədir.

"Azalma və s. haqqında mesajlar oyundur, biz bu gün bu oyunları oynamırıq", - deyə dövlət başçısı qeyd edib.