Uzun müddət "qeybə çəkilmiş" gimnast Alina Kabayeva yeni görünüşü ilə təəccübləndirdi

Sosial şəbəkə istifadəçiləri Rusiyanın keçmiş bədii gimnastı Alina Kabayevanın yeni fotoşəkillərini geniş müzakirə edirlər.

Oxu.Az "Spletnik"ə istinadla xəbər verir ki, istifadəçilərin fikrincə, 41 yaşlı olimpiya çempionu xarici görkəmini dəyişib və indi tamamilə başqa cür görünür.

A.Kabayeva özünün Bədii Gimnastika Akademiyasında gənc idmançıların məşq prosesində fotoqrafların obyektivinə tuş gəlib.

İstifadəçilər sosial şəbəkələrdə A.Kabayevanın fotoşəkillərinin altında "ürək" emojiləri qoyaraq xoş sözlər yazırlar.

Qeyd edək ki, vaxtilə Rusiya Dövlət Dumasının deputatı olmuş A.Kabayevanın şəxsi həyatı haqqında az şey bilinir. O, ictimaiyyət arasına nadir hallarda çıxır.