Ən son xəbərləri bizim "Instagram" səhifəmizdə izləyin
Vahid Ələkbərov Rusiyanın ən nüfuzlu şəxsləri siyahısında
“Forbes” jurnalı Rusiyanın 100 ən nüfuzlu şəxslərinin siyahısını hazırlayıb. Siyahıya ölkə prezidenti Vladimir Putin başçılıq edir.
Oxu.Az xəbər verir ki, ikinci yerdə “Sberbank”ın sədri German Qref qərarlaşıb.
Onu “Qazprom”un rəhbəri Aleksey Miller və “Rosneft”in baş icraçı direktoru İqor Seçin izləyir.
Beşinci yeri hökumət rəhbəri Dmitri Medvedev, altıncı yeri “Surqutneftqaz”ın baş direktoru Vladimir Boqdanov tutub.
Qadınlar arasında ən yüksək yeri siyahıda yeddinci pillədə qərarlaşan Rusiya Mərkəzi Bankının sədri Elvira Nabiullina tutub.
Səkkizinci yeri Federal Təhlükəsizlik Bürosunun direktoru Aleksandr Bortnikov, doqquzuncu yeri isə Rusiya Dəmir Yolları İdarəsinin baş direktoru Oleq Bolozerov tutub.
“Lukoyl” şirkətinin prezidenti, azərbaycanlı Vahid Ələkbərov ilk onluğu tamamlayıb.
Rusiya xarici işlər naziri Sergey Lavrov siyahıda 21-ci, müdafiə naziri Sergey Şoyqu isə 30-cu olub.
Rusiya Dövlət Dumasının spikeri Vyaçeslav Volodin 83-cü yerdə qərarlaşıb.
Siyahını Rusiya Liberal Demokrat Partiyasının lideri, Dövlət Dumasının üzvü Vladimir Jirinovski qapayıb.
"Sergey Lavrov" teqi üzrə xəbərlər
- Bayramov və Lavrov təyyarə qəzası ilə bağlı hadisələri müzakirə ediblər
- Sergey Lavrov: "Rusiya Suriya ordusuna kömək edir"
- Dohada Suriya vəziyyəti ilə bağlı üçtərəfli danışıqlar başlayıb
- Rusiya, İran və Türkiyə Suriya ilə bağlı görüş keçirəcəklər
- Lavrov Rusiya ilə ABŞ arasında münasibətlərdə yaranan problemlərin səbəbini açıqladı
Ən çox oxunanlar
Rəylər