Venesuela ABŞ-nin hərbi təcavüzünü pisləyir və səfərbərlik elan edir.
Oxu.Az-ın xəbərinə görə, bu barədə Venesuela xarici işlər naziri İvan Gil-Pinto öz "Telegram" hesabında məlumat verib.
O bildirib ki, Prezident Nikolas Maduro milli müdafiə planlarının həyata keçirilməsini əmr edib, əhalinin və dövlət qurumlarının qorunması üçün bütün ölkə üzrə səfərbərlik barədə fərman imzalayıb.
Venesuela hökuməti bütün ictimai və siyasi qüvvələri səfərbər olmağa, ölkənin silahlı müdafiəsinə hazır olmağa çağırıb.
Venesuelanın paytaxtı Karakasda partlayışlar dayanıb, lakin ABŞ hərbi təyyarələri hələ də səmada dövrə vurur.
Oxu.Az bu barədə "The New York Times" nəşrinə istinadən xəbər verir.
Məlumatda bildirilir ki, ABŞ hərbi təyyarələri Venesuela hava məkanını tərk etdikdən sonra Ağ Ev rəsmi Karakasla bağlı bəyanat yayacaq.
Venesuelada hücuma məruz qalan strateji obyektlərin siyahısı:
"La-Karlota" hava limanı
"Katia-la-Mar" dağ hərbi qarnizonu
"Karakas Federal" qanunverici sarayı
"Fuerte-Tiuna" hərbi bazası
"El-Atillo" hava limanı
"Barqisimetoda F-16 № 3" aviabazası
Çaralyavada Karakasın özəl hava limanı
İqerotda hərbi vertolyot bazası
Venesuelanın keçmiş lideri Uqo Çavesin qalıqlarının saxlandığı Karakasdakı "Cuartel de la Montana" binası
Məlumata görə, paytaxtın böyük hissəsi hazırda elektrik enerjisiz qalıb.
"ABŞ Venesuelada parlament binasına zərbə endirib".
Oxu.Az-ın TASS-a istinadən xəbərinə görə, bu barədə Kolumbiya Prezidenti Qustavo Petro məlumat verib.
"Venesuela ABŞ tərəfindən "ciddi hərbi təcavüzə" məruz qalıb".
Oxu.Az-ın RBC nəşrinə istinadən xəbərinə görə, bu barədə Venesuela Xarici İşlər Nazirliyi açıqlama verib.
Məlumata görə, Venesuela Prezidenti Nikolas Maduro əhalinin hüquqlarının qorunması, respublika institutlarının tam şəkildə fəaliyyətinin təmin edilməsi və dərhal silahlı mübarizəyə keçid edilməsi üçün fövqəladə vəziyyət elan edib.
"Bu hücumun məqsədi ölkənin siyasi müstəqilliyini zorakılıqla sarsıtmaq məqsədilə Venesuelanın strateji ehtiyatlarını, xüsusən də neft və faydalı qazıntılarını ələ keçirməkdir. Onlar buna nail ola bilməyəcəklər. İki əsrdən çox müstəqillikdən sonra xalq və onun qanuni hökuməti öz suverenliyini, müqəddəratını təyin etmək üçün fikrində qətiyyətlidir", - deyə bəyanatda bildirilib.
Qeyd edək ki, yanvarın 3-də səhər saatlarında Karakasda partlayışlar başlayıb. Ölkənin Müdafiə Nazirliyinin Baş Qərargahının və ordu komandanlığının yerləşdiyi "Fuerte Tiuna" hərbi bazası, "Fransisko de Miranda" aviabazası və hərbi hava limanı zərbələrə məruz qalıb.
Venesuela müdafiə naziri Vladimir Padrino Lopezin evi və paytaxt Karakasdakı liman artilleriya atəşinə tutulub.
Oxu.Az xəbər verir ki, məlumatı "Sky News Arabia" yayıb.
Vladimir Padrino Lopez
"ABŞ Maduro rejimini devirmək üçün çalışır və müxalifətə dəstək verir", - deyə telekanala danışan mənbələr aviabazanın Karakasa endirilən zərbələrin əsas hədəfi olduğunu qeyd edib.
Ölkənin şimalında, dəniz akademiyasının yerləşdiyi Varqas əyalətindəki "La Guaira" hərbi dəniz bazasına ziyan dəyib. Venesuela Hərbi Hava Qüvvələrinə məxsus "Su-30MKV" döyüş təyyarələrini qaldırıb.
İlkin məlumatlara görə, Karakasda ən azı altı obyektə hücum edilib. Onların arasında "Fuerte Tiuna" və "Fransisko de Miranda" bazaları, Varqasdakı "La Guaira" hərbi dəniz bazası və Karib dənizində çoxsaylı hərbi obyektlərin yerləşdiyi Marqarita adası da var.
Şahidlər Karakasda atışma olduğunu bildirirlər. İlkin məlumata görə, ABŞ hərbçiləri paraşütlə Venesuelanın paytaxtına eniblər. Yerli mətbuatın məlumatına görə, quru döyüşləri davam edir.
Venesuelaya məxsus zirehli texnikalar Karakasdakı Miraflores prezident sarayına doğru irəliləyir. Paytaxt sakinləri təşviş içərisində şəhəri tərk edirlər.
Eyni zamanda Miranda ştatının İquerota hava limanı yaxınlığında da güclü partlayışların olduğu bildirilir.
Venesuelanın paytaxtı Karakasda silsilə partlayışlar baş verib.
Oxu.Az xəbər verir ki, bu barədə "Reuters" məlumat yayıb.
İlkin məlumatlara görə, partlayışlar hərbi obyektlərdə baş verib. Forte Tiuna və Fransisko de Miranda aviabazalarına hücum olunub.
KİV-in məlumatına görə, şəhərin cənub hissəsi işıqsız qalıb.
Zərbələrdə "RGM-109E" və "AGM-86D" qanadlı raketlərindən istifadə edilib. Yerli sakinlər sosial şəbəkələrdə Karakasın müxtəlif ərazilərində güclü partlayışlar barədə videolar yayımlayırlar.
Ölkə paytaxtının üzərində bir neçə helikopter görüntülənib.
İnsan itkisi və dağıntılar barədə məlumat yoxdur.
