Vyetnamda "Telegram" bloklanacaq

Vyetnam hakimiyyəti iyunun 2-dək "Telegram"ı bloklamağı planlaşdırır.

Buna səbəb mesencerin cinayətkarlıqla mübarizə məsələsində səlahiyyətlilərlə əməkdaşlıqdan imtina etməsi olub.

Oxu.Az-ın xəbərinə görə, bu barədə "Reuters" agentliyi hökumətin mayın 21-də qəbul etdiyi qərara istinadən məlumat verib.

Məlumata görə, ölkə polisi 9 600 yerli kanalın 68%-nin fırıldaqçılıq və narkotik alveri ilə, bəzilərinin isə terrorizmlə əlaqəli olduğunu bildirib.

"Telegram"ın bloklanmasına görə məsuliyyət isə telekommunikasiya şirkətlərinin üzərinə qoyulub və onlar Vyetnamın kibertəhlükəsizlik departamenti qarşısında hökumət qərarının icrası barədə hesabat verməli olacaqlar.