Yaponiyada Honsyu adasının qərb hissəsində yerləşən Osaka prefekturası 65 yaşdan yuxarı insanlara telefonla danışarkən bankomatlardan istifadə etməyi qadağan edən görünməmiş hökumət qərarı qəbul edib.
Oxu.Az xəbər verir ki, bu barədə "The Japan Times" məlumat verib.
Osaka qubernatoru Hirofumi Yosimura bildirib ki, yeni tədbirlər əsasən pensiyaçıları hədəf alan telefon fırıldaqçılığı ilə mübarizəyə yönəlib.
"Yaşlılar təkcə əmanətlərini itirmir, həm də ağır stresdən əziyyət çəkirlər. Biz bu qaydanı bu cür cinayətlərin qarşısını almaq ümidi ilə qəbul etmişik", - deyə 2025-ci ilin martında sənəd qəbul edildikdən sonra Yosimura bildirib.
Qərara əsasən, maliyyə institutları və digər təşkilatlar öz köhnə müştərilərini qadağa ilə bağlı xəbərdar etməli olacaqlar. Məmur qeyd edib ki, qayda pozuntusuna görə heç bir sanksiya yoxdur, lakin hakimiyyət ümid edir ki, qadağa faktının özü yaşlı insanların aldadılması hallarının qarşısını almağa kömək edəcək.
