"Barselona"nın hücumçusu Lamin Yamalın atası Munir Nasraui ad günündə əylənmək üçün cırtdan artistləri əyləncə gecəsinə dəvət etdiyinə görə oğluna ünvanlanan tənqidlərə münasibət bildirib.
Oxu.Az bu barədə "Mundo Deportivo" nəşrinə istinadla xəbər verir.
"Oğlum hər şeyi düzgün edir. İnsanlar ətrafda baş verənləri görmək əvəzinə, başqalarına baxıb paxıllıqdan ölürlər. Bu, onların problemidir", - deyə Nasraui vurğulayıb.
O əlavə edib ki, Yamal gənc oğlandır:
"İnsanlar başa düşməlidirlər ki, Laminin 18 yaşı tamam olub. Onun da həyatdan həzz almaq hüququ var. Hamımız başa düşürük ki, Lamin peşəkar idmançıdır. Bununla belə, o da digər gənclər kimi uşaqdır. Onun dostları, qayğıkeş valideynləri var".
