Yaponiyanın "Necoichi" markası qeyri-adi şirniyyat istehsalına başlayıb. Bu, üçrəngli pişiklərin daranmış tük topalarını xatırladan şəkər pambığıdır.
Oxu.Az xəbər verir ki, bu barədə "SoraNews24" portalı məlumat yayıb.
Məhsul "dadlı pişik xəzi" mənasını verən "Delicious Cat Fur" ticarət adını alıb və plastik qablarda qablaşdırılır. Şirniyyatın yaradıcıları bildiriblər ki, bu dizayn onların ev heyvanlarına olan sonsuz sevgisini tərənnüm edir. Şirniyyat partlayan karamellər kimi ağızda partlamağa və başlayır.
Jurnalistlər bu "xəz" teksturasını əyləncəli və fərqli adlandırıblar. "Delicious Cat Fur" məhsulunu yalnız Yokohamada yerləşən "Lalaport" ticarət mərkəzindəki rəsmi mağazada dadmaq mümkündür. Bir qablaşdırmanın qiyməti 980 yen (təxminən 10 manat) təşkil edir.
