Yeni Kaledoniyada fövqəladə vəziyyət tətbiq olunacaq

Bir neçə gündür davam edən üsyana görə Yeni Kaledoniya (Sakit okeanda Fransanın dənizaşırı ərazisi - red.) ərazisində fövqəladə vəziyyət tətbiq olunacaq.

Bu barədə Yelisey sarayının Mətbuat Xidməti məlumat yayıb.

“Fransa prezidentinin sədrliyi ilə Yeni Kaledoniyadakı vəziyyətlə bağlı Milli Müdafiə və Təhlükəsizlik Şurasının iclası keçirilib”, - deyə məlumatda bildirilir.

Prezident Nazirlər Şurasının saat 16:30-a (Bakı vaxtı ilə 18:30 - red.) planlaşdırılan iclasının gündəliyinə Yeni Kaledoniyada fövqəladə vəziyyətin tətbiqi haqqında fərmanın daxil edilməsini xahiş edib.

Mənbə: Rte.ie